كلمات فلسطينية قُح
قام عدد من المغردين الفلسطينيين على موقع تويتر ، بتفعيل هاشتاق تحت عنوان " #اكتب_كلمة_يفهمها_الفلسطييني_بس" لنشر الكلمات التي يتدوالها الفلسطينييون فيما بينهم وتعتبر خاصة بهم ، ولاقى الهاشتاق إعجاب العديد من المُتَوتِرون وتفاعلوا معه بشكل واضح وملاحظ ، وقمت هنا بتجميع أشهر الكلمات الموجودة في الهاشتاق .
* قمطة = أي الإيشارب التي تلبسه النساء فوق رؤوسهن وخاصةً العواجيز.
* ارتزي = اقعد
* لِزْ = أي أفسح لي المجال لأجلس بقربك.
* بقجة = أي صرة الثياب.
* خرط = كذب.
* انقطع خلفوا = مات من الخوف.
* رمزون = إشارة مرور وغالبا المقصود به رمزون السرايا هو الأكثر ازدحاما في #غزة.
* قُح = فلان غزاوي أو شجاعي قح، يعني ابا عن جد.
* طُرمة = يعني غبية.
* طلطميس = يعني ما بيفهم.
* قعاقيع = فلان يسكن في قعاقيع الشجاعية، يعني في قلب الشجاعية.
* بالمشرمحي = على بلاطة: يعني بصراحة.
* هًوووووي = "فتح الهاء" يعني حلق من هنا.
* ترالاللي = فلان ترالاللي، يعني مش بزيادة.
* هاض = يعني هذا.
* ضاوي = وهو الشخص الماسح.
* تِنح = راسو يابس.
* إخلع = ليس لها علاقة بالملابس.
* الله لا يوطرزلو !! = الله ينكبووو .
* بأدعس ع رقبتك = وهي كلمة وعيد وتهديد.
* بدي افط فبطنك = تقال عندما نريد الانتقام من شخص ما.
* أبو شخة = وتقال للهتلة العطربة الرمطة الطهبوب اللحليحن.
* شُخ ونام = اسألوا أ.رفعت ^^.
* بنطلون كَبُويْ = جينز.
* كول هوا = إخرس D:.
* كوز لبن = باكو لبن .
* تعزيل = يعني تنظيف البيت من اوله لاخره.
* انطم = يعني اسكت و اخرس مع بعض.
* الدحيّة = هاي مشهورة بالأعراس الفلسطينية وخصوصا افراح البدو.
* برامات = بحكوا كتير.
* إمحمد = اسم محمد.
* الحين = يعني بالوقت الحالي.
* بوز = وهي مقدمة الفم، مادد بوزون يعني زعلان.
* سماقية = اكلة فلسطينية مشهورة جدا خاصة في حفلات الشباب.
* معطلي شعري = شدلي شعر بالجامد.
* فشخرة = بمعني أبهة.
* آنطي = يعني المُدرسة.
* إسكملة = يعني طاولة صغيرة.
* طً = اختصار كلمة "طيب" أي حاضر، لكن من قصر في لفظ كلمة واختصر ثلثها، واضح انها لن تنفذ ما يطلب .
* لِـز .. زيـح .. صُف.
* سَطِل (بكسر الطاء) = دلو.
* صاااااااااااااااقط = يعني راسب بالمدرسة .
* امسَطّل = بكسر الطاااء يعني نعسااان.
* نوّاسة = ضوء خافت بنضوّيه عند النوم.
* شمبر = ضو عالغاز بيتشغل لما تقطع الكهربا .
* انخمد = اسكت.
* بكرج = "بفتح الياء و سكون الكاف و فتح الراء" = إبريق يغلى به القهوة والشاي .
* مسوكج = يعني أعوج أو مطعوج.
* إمبلم = زعلان .
* يوه = "يستعملها اهل الخليل" وهي كلمة للتأفف .
* شبشب = النعال ،، .
* جرابين = شرابات = ما يلبس في الرجل قبل الحذاء.
* كندرة = (جزمة) .
* زنخ = يعني تقيل الدم.
* طبلية = طاولة صغيرة.
* شاكوش = يعني مطرقة.
* فوطبول = يعني كرة القدم.
* شعشبون = اشي زغير من فصيلة العناكب.
* لحاف = يتغطى به النائم بدلا من الحرام و هو مصنوع محليا (عند المنجد) وعادة ما يكون من القطن
* أبو هولي = :D فاكروينو يا ولاد ؟؟ = حاجز صهيوني كان أيام احتلال غزة.
* قِب عني = يعني حل عني بكسر القاف.
* روح غاد = يعني روح لبعيد.
* إمطقع = فلان إمطقع للدنيا أو للناس، بعني مشلّط.
* الطمشة = قمة الشيء .
* نيلة تغتك = مصيبة تاخدك .
* أجنص = شيء جديد.
* فكح = لاذ من المكان أو من المسؤولية.
* أخو أختو = أسلوب تعظيم يطلق على شيء حصري .
* إشي إشي = مصطلح يطلق على الشيئ عندما يكون ممتاز .
* ضاوي ، فاقد ، لادع = يطلق على الشخص الذي لا يفقه شيئاً .
* خرابيش الجاج = يطلق على الشيء عندما يكون غير مرتب وفوضوي .
* سبهللة = بدون مسؤولية .
* عساقيل = الأرجل أو السيقان .
* فقاعية = أكلة فلسطينية مشهورة جدا بقطاع غزة
* معطلي شعري = شدلي شعر بالجامد. (و تقال عن قص الشعر عند الحلاق أيضا)
* فشخرة = بمعني أبهة.
* سماقية = اكلة فلسطينية مشهورة جدا خاصة في حفلات الشباب. (معروفة بقطاع غزة )
ذكر المدون الفلسطيني خالد صافي في مدونته أكثر الكلمات والأفعال تداولاً بين أهل غزة ، أستعرضها هنا.
- الكلمات الأكثر انتشاراً وشعبية، وعندما تطلق تعني كل منها قصة منفردة في حد ذاتها هي: كابونة، المعبر، الأنفاق، موتور، كهرباء، صلاة الجمعة، إجازة الجمعة، سوق الجمعة، مسجد، حماس، فتح، مقهى، الأهلي، الزمالك، برشلونة، الغاز، الجرة، كافي نت، CHF، وظيفة، بطالة، قاعد، جنازة، شئون، زواج، حفلة، الجامعة، 100$، حصار، الرواتب، فلفل، شاورما، سجائر، المدرسة، سوق الأربعاء، شهيد، الوكالة، جمعية، برزة، حمل، ولادة، بامبرز، مسنجر، facebook، ريسيفر، نت، الأسرى، شاليط، مواصلات، شقة، سيارة، جوال.
- الأفعال الأكثر تداولاً: فَتح، سَكّر (المعبر)، أجت، قطعت (الكهرباء)، دخل (السولار، الغاز)، طلعت (الكابونة)، خلّص (الراتب)، خلّصت (الجرة)، نزلت (الرواتب)، انزل (السوق)، هات (المصروف)، رُوح (ع الجامع)، عملت، تشترك؟ (جمعية)، فحصتي؟ (ولد/بنت)، حمّلت (لعبة، فلم، أغنية من الإنترنت)، نزّلت (نغمة للمحمول)، شفّرت (قنوات للديجيتال)، زرت (المقبرة)، استلمت(كابونة)، قبضت (الراتب)، بعتت (حوالة)، زفّينا (العريس)، شيّعنا (شهيد)، حضرت (المباراة)، سدّيت (الدّين).
الاشتراك في:
تعليقات الرسالة
(
Atom
)
12 تعليق على كلمات فلسطينية قُح
رمزون :: كلمة عبرية معناها بالعربي إشارة ضوئية
في كتير كلمات بنحكيها وبيكون أصلها عبري أو تركي
صحيح أخي محمود ,,, ولكن هي دارجة بين أهل غزة كثيرا ، وفي كمان كلمات عبرية الاصل بنحكيها منها "بيتا" خبز البيتا... أشكرك للتواجد :)
نورت
هههه .. والله عامل مجهود يا ياسر لما جايب كل الكلمات والمصطلحات الغزية .. بس حلوة منك .. ما توقعتها ..
بس بحب أحكليك شئ انك تضيف هالكلمة ( مسقع ) الي كانوا الاساتذة يحكوها النا واحنا صغار
مشكور يا ياسر موصضوع حلو كتير
تحياتي :)
يا ياسر يا جااااامد انا كنت هعملها دي كويس انك جمعتهم عشان احفظهم ههههه
هههههههههههههه حريقة ... وع قولة المعلقين شي كبير يا عمري شي كبييير
@وليد المجدلاوي
هلا وليدوووو حبيبي يا كبير هذي مجهود التويترجية مش مجهودي انا مجرد جمعتهن :) وسأضيف ان شاء الله كلمة امسقع ^^ اللي هلكنا فيها أ. حسن جبر
@هبة
عشان تعرفي ياسر بس :) شكرا لتواجدك
@غير معروف
انت الحريقة يا حلو :) شكرا لتواجدك
رهيب رهيب !
مرورك الرهيب :) اشكرك
يعطيك الف عافية ياسر ،، والله هالمصطلحات نهفــــة ،، وأهل غزة كل يوم بخترعولك شي ما رح تلاحق ^_* حنساعدك وما عليك الا تضيف ^_^
بالتوفيق ،،،
اله يعافيكي :) يارب .. غزة كلها نهفة .. واحنا بنستنى فيكم واضافاتكم
هههههههههههههههههههههههههههههههه نصهم بحكيهم ونصهم لا بس ايش هادي الاكلات ممكن اعرف وشكرا ع مجهودك
انسيت كلمة مسخمط يعني يعني غلبان
إرسال تعليق